يعنى ايه الاقى واحدة صحبتى وكفائة...تقولى الحقينى وتبعتلى الصورة دى...البت ماشية لا بيها ولا عليها عشطت...عادى يعنى...ظاهرة طبيعية انها تعشطت...كل ده عادى...لكن تروح تجيب ميه تلاقيها ب 179 ريال!!!!....لييييييييييييييييه!!!!....انا قولت لنفسى اهدى يا بنتي ....مش عاوزة اتهور يا عاااااشطف...اكيد فيها الللى والتراللى...بس لقيتها برده هى هى الميه بتاعتنا ام ذرتين هيدروجين وواحدة اكسجين....طب يمكن اكسجين من اللى الستات بيضربوا بيه شعرهم فى العيد بورتوقانى!!!!...لا...طب الميه ليها طعم زى الشيبسى كدهون ومنها ميه بالشطة واللمون ومنها بالكباب و الكاتشب مثلا !!!!...لا....طب ميه بتخلى العجوزة صبية والفلاحة بندرية وبتخليكى زى المستحمية وتجيب الواد لام عطيه!!!!....لا....طب الميه فيها فلايه تطلع القملايه واحدة واحدة !!!!...برده لا....طب تنفع شربة للود مسعود يشربها تطلع الدود!!!!....قولنا لا....وبعد كتيييير اكتشفت السبب اللى مخلى ازازة ميه بقرابة ال 360 جنيه مصرى وهو ان الازازة عليها ترتر نفس ذات لون الغطا..😕😕😕
طبعا ده احنا بنشرب ميه مجارى مدوب فيها كلووووور وفنيك
ليست هناك تعليقات: