اعمل الخير وارميه البحر ( قصة حقيقية )

حكت لي جدتي موقف ظننته اسطوره
قالت انه كان عندنا جاره معندهاش عيال (مبتخلفش) دايما تقول اعمل الخير و ارميه البحر و مسيره يوم يجيلك المهم الست دي كانت كريمه جدا لدرجه انها ممكن تطلع الاكل كله للي محتاج و تقعد من غير اكل المهم رجع جوزها طلب اكل قالتله انه في حد محتاج و ادتله الاكل قالها و احنا تقول يا سيدي اعمل الخير و ارميه البحر الراجل غضب من كرمها من غيظه غفلها و اخد العقد بتاعها و لفه في لفه صغيره و ارميه فالنيل و كان غالي عليها جدا لانه من ريحه والدتها المتوفيه تدور الايام و جوزها يروح يشتريلها سمك و هيا بتنضفه لقت لفه ندهت جوزها بتقوله شوف ايه دي فتحوها لقت فيها العقد بتاعها
الراجل وقف تنح مش مصدق بص لها و قالها مش انتي بتقولي اعمل الخير و ارميه البحر اهو البحر رجعلك حاجتك طبعا هيا ولا فاهمه حاجه قالها الصراحه انا رميته فالبحر و قولت ادي خيرك رميته فالبحر و ادي دقني لو رجعلك
القصه دي جدتي حكيتهالي من سنه تقريبا قبل وفاتها باسبوعين الله يرحمها .